Cando penso que te fuches,
negra sombra que másombras,
ó pé dos meus cabezales
tornas facéndome mofa.
Cando imaxino que es ida,
no mesmo sol te m´amostras
i eres a estrela que brila,
i eres o vento que zoa
Si cantan, es ti que cantas,
si choran, es ti que choras
i es o marmurio do rio
i es a noite i es a aurora.
En todo estás e ti es todo
pra min i en min mesma moras
nin me abandonarás ti nunca,
sombra que sempre m´asombras.
Rosalía de Castro (Follas Novas)
No hay comentarios:
Publicar un comentario